રોકાઈ જા

રાત પૂનમની ઢળે છે, ચાંદની રોકાઈ જા,
હાથમાં છે હાથ એનો, યામિની રોકાઈ જા.

કૂકડા, ના બોલજે તું, વાત અડધી છે હજી,
ગીત પૂરું ના થયું, ઓ રાગિણી રોકાઈ જા.

સાસુ જાગે ના, જરા ધીમી રહેજે ઝાંઝરી,
ને સરકતી ના જરા, ઓ ઓઢણી રોકાઈ જા.

કાલથી પાછાં બધાં ઘડિયાળનાં કાંટા, પછી,
આજ દીવાની જરા તું રોશની રોકાઈ જા.

આ પરાગે સાંભળી’તી ફૂલની એ પ્રાર્થના:
રાતની ઝાકળ સમી ઓ લાગણી, રોકાઈ જા.

– પરાગ રતનપરા

#ગઝલ #પ્રણય #પૂનમરાત #મિલન #શૃંગાર #પરાગરતનપરા
#GujaratiGhazal #MoonlitNight #LoversTryst #StayAWhile #Romance #ParagRatanpara