રાતે બે વાગ્યે

રાતે બે વાગ્યે
ઓશીકા પાસે પડેલો ફોન
અચાનક ઝબક્યો.

સ્ક્રીન પર
તારું જૂનું નામ —
જે મેં ક્યારેય
ડિલીટ કર્યું જ નહોતું.

હૃદય
એટલી જોરથી ધબક્યું
કે પડોશી જાગી જાય.

ખોલ્યું.
‘તમારો રિચાર્જ પ્લાન
આજે પૂરો થાય છે.’

તેં નંબર બદલી નાખ્યો હતો,
ને કંપનીએ
એ નંબર
કોઈ બીજાને આપી દીધો હતો.

હું આખી રાત જાગ્યો —
એ વિચારતો
કે આપણો પ્લાન
ક્યારે પૂરો થયો હતો,
ને મને
કોઈ મેસેજ કેમ ન આવ્યો?

– પરાગ રતનપરા