પિંજરે

એક પંખી રોજ ગણતું શેષ શ્વાસો પિંજરે,
ને સગાંઓ રોજ આવી દે દિલાસો પિંજરે.

હો ભલે સોને મઢેલું, હોય મોતીનો ચણો,
તો ય લાગે છે ગળામાં એક ફાંસો પિંજરે.

દ્વાર ખુલ્લું, તો ય પંખી બ્હાર ના ઊડ્યું કદી,
ટેવ સળિયાની પડી, એનો ખુલાસો પિંજરે.

કાચ ને લોખંડના ઊંચા મિનારે આજ, લ્યો,
માનવી ખુદને જ દેતો રોજ ઝાંસો પિંજરે.

પાંખડીની કેદમાં ખુશ ખુશ હતો કાલે પરાગ,
પણ પવન આવી ગયો ને લખ પ્રવાસો પિંજરે.

– પરાગ રતનપરા

#ગઝલ #પિંજરું #આત્મા #મુક્તિ #બંધન #પરાગરતનપરા
#GujaratiGhazal #CagedBird #SoulAndBody #Freedom #Bondage #ParagRatanpara