પિંજરાનું પંખી

ઉઘાડું આભ ના જોયું, છતાં રટતું રહે પંખી,
સળીયા પાછળે આકાશને ઘડતું રહે પંખી.

ખરી પીંછી, પડી ઝાંખી ય પાંખો, તોય ના થાક્યું,
હવાના નામનો કાગળ હજી લખતું રહે પંખી.

ભલે દાણા, ભલે પાણી, ભલે સોના તણો ઝૂલો,
છતાં ઊંડે ગગન માટે, સદા બળતું રહે પંખી.

ધરાવાળા કહે છે: 'કેટલું મીઠું, મધુર ગાયે!'
ન જાણે કોઈ, પીડાને છુપી વણતું રહે પંખી.

પરાગે પાંજરું ખોલ્યું, ગગન આખું ધરી દીધું,
ગયું ભૂલી ઉડાનો, બારણે ડરતું રહે પંખી.

– પરાગ રતનપરા

#ગઝલ #પિંજરું #પંખી #મુક્તિ #પીડા #પરાગરતનપરા
#GujaratiGhazal #CagedBird #Freedom #LearnedFear #SongOfPain #ParagRatanpara