પરદેશમાં

સાંભરે છે માવડીની ખીચડી પરદેશમાં,
ને પટારે બંધ, ઝૂરે ચૂંદડી પરદેશમાં.

કાચના ટાવર મહીં વૈભવ ઘણો છે, તોય પણ
યાદ આવે સાંકડી એ ઝૂંપડી પરદેશમાં.

ડૉલરોના ઢગ ઉપર બેઠો ભલે રાજા બની,
ક્યાં હવે બાંધું પિતાની પાઘડી પરદેશમાં?

બેગમાં મૂકેલ માની બાળપોથી આજ પણ,
પૌત્ર મારો વાંચતો એ ચોપડી પરદેશમાં.

આ પરાગે સૌ વસંતો જોઈ લીધી, તોય પણ
ઝંખતો હું ગામની એ બાવડી પરદેશમાં.

– પરાગ રતનપરા

#ગઝલ #પરદેશ #ઝુરાપો #વતન #મા #પરાગરતનપરા
#GujaratiGhazal #Diaspora #Homesickness #Homeland #MothersFood #ParagRatanpara