પણ રામ છે

મંદિરોમાં શોધતો'તો, શ્વાસમાં પણ રામ છે,
ઝૂલતા એ ખેતરોના ઘાસમાં પણ રામ છે.

ઢોલના ધબકારમાં, ને તાલમાં, ઝણકારમાં,
નોરતે ઘૂમી રહેલા રાસમાં પણ રામ છે.

હું પડું, તૂટું, રડું, ને કોઈ પણ પાસે ન હો,
એ ઘડી જાણ્યું, હૃદયના ત્રાસમાં પણ રામ છે.

બોર ચાખી રાહ જોતી જિંદગીભર જેમણે,
ભીલડીની એ યુગોની પ્યાસમાં પણ રામ છે.

આ પરાગે ફૂલ પૂછ્યું, તો હસીને એ કહે:
આ જ મારી મ્હેક, ને આ વાસમાં પણ રામ છે.

– પરાગ રતનપરા

#ગઝલ #રામ #ભક્તિ #શબરી #સર્વવ્યાપી #પરાગરતનપરા
#GujaratiGhazal #ShriRam #Devotion #Shabari #DivineEverywhere #ParagRatanpara