પાંખોમાં

ઉઘાડું આભ સામે છે, ઘણું છે જિગર પાંખોમાં,
ચરણમાં ધૂળ છે તો શું, હવે છે શિખર પાંખોમાં.

પિતાએ ખેતરે વાવ્યું, ભણાવી દીકરી, આજે
ઉડાડે છે વિમાનો એ, ગગનની સફર પાંખોમાં.

સમંદર પાર ઊડે છે, નથી નકશો, નથી સાથી,
છતાં પંખી ઉતારે છે દિશાની નજર પાંખોમાં.

ભલે બંદી હતું પંખી, ભલે સળિયા અને તાળાં,
છતાં જીવંત રાખી’તી ઉડાની ખબર પાંખોમાં.

પરાગે ના કદી માગ્યું, વિધાતા પાસથી પાંખો,
ગયો ફૂલો સુધી એ તો, હતો એ ભમર-પાંખોમાં.

– પરાગ રતનપરા

#ગઝલ #ઉડાન #દીકરી #હિંમત #સ્વતંત્રતા #પરાગરતનપરા
#GujaratiGhazal #Flight #DaughtersDreams #Courage #Freedom #ParagRatanpara