હતા એ દિવસ

ખરેખર ખજાના હતા એ દિવસ,
ગલીના તરાના હતા એ દિવસ.

નિશાળે જવામાં હતો તાવ રોજ,
મધુર એ બહાના હતા એ દિવસ.

ઝરૂખે હતી તું, ગલીમાં અમે,
નજરના દિવાના હતા એ દિવસ.

નહોતા કશે ફોન કે સ્ક્રીન કો,
સ્વજનના જમાના હતા એ દિવસ.

પરાગે કિતાબે છુપાવ્યાં ગુલાબ,
સુગંધી પુરાણા હતા એ દિવસ.

– પરાગ રતનપરા

#ગઝલ #ભૂતકાળ #સ્મરણ #પહેલોપ્રેમ #બાળપણ #પરાગરતનપરા
#GujaratiGhazal #GoodOldDays #Nostalgia #FirstLove #SchoolDays #ParagRatanpara