ઊંઘ ક્યાં?

હોર્ન, હોહા, ને ધુમાડો, આ નગરમાં ઊંઘ ક્યાં?
રોજ ગોળીબાર, હત્યા, આ ખબરમાં ઊંઘ ક્યાં?

પાંપણો પર તું જ બેઠી, બંધ આંખે તું જ તું,
તું વસી છે એ નજરમાં, એ નજરમાં ઊંઘ ક્યાં?

ઊંઘતા નેતા સભામાં, ઘોરતી સરકાર પણ,
આમ જનતાને ભલા, હો કે કબરમાં ઊંઘ ક્યાં?

રાતની ગાડી, ઝરૂખે ચાંદ, ખખડે પાટિયાં,
ઘર ભણી દોડે હૃદય, તો એ સફરમાં ઊંઘ ક્યાં?

આ પરાગે ફૂલ પર કાઢી બધી રાતો, છતાં
ગુંજતો એ રાતભર, તો એ ભ્રમરમાં ઊંઘ ક્યાં?

– પરાગ રતનપરા

#ગઝલ #અનિદ્રા #શહેર #પ્રેમ #વ્યંગ #પરાગરતનપરા
#GujaratiGhazal #Sleepless #CityNoise #LoveAndLonging #Satire #ParagRatanpara