ઊજળાં

ભાષણે નેતા બિરાજ્યા, શ્વેત કપડાં ઊજળાં,
મેલ મનમાં, પણ સભામાં ખૂબ મુખડાં ઊજળાં.

ચંપલો ઊડે સભામાં, ગાળનો વરસાદ છે,
રોજ ટીવી પર જુઓ આ, વાહ! ઝઘડાં ઊજળાં.

એક રોટીનું કરે છે દાન, ફોટા સો પડે,
પેટ ખાલી, પણ છબીમાં ભૂખ, ટુકડાં ઊજળાં.

બાપ-માને વૃદ્ધઘરમાં મૂકતાં લાગી ન વાર,
ફેસબુક પર પોસ્ટમાં છે આજ ઘરડાં ઊજળાં.

ગામનો રસ્તો ખખડધજ, ધૂળમાં લથબથ બધું,
પણ ‘પરાગે’ ત્યાં નિહાળ્યાં સાવ છકડાં ઊજળાં.

– પરાગ રતનપરા

#ગઝલ #વ્યંગ #દંભ #રાજકારણ #દેખાડો #પરાગરતનપરા
#GujaratiGhazal #Satire #Hypocrisy #Politics #WhiteCollar #ParagRatanpara