નિરાંતે

ન દોડું, હવે તો ફરું છું નિરાંતે,
ન તૃષ્ણા, હવે હું તરું છું નિરાંતે.

ઘણી રાત જાગ્યો ઉજાગર કરીને,
હવે દીપ પેઠે ઠરું છું નિરાંતે.

ન સરખામણી કે ન સ્પર્ધા કશાની,
ગમે તે મજાનું કરું છું નિરાંતે.

ન કાંડે ઘડી કે ન ભીંતે સમયપત્ર,
હવે શ્વાસ ઊંડા ભરું છું નિરાંતે.

પરાગે સુગંધે ભરી જિંદગી, ને
ખરું તો હવે હું મરું છું નિરાંતે.

– પરાગ રતનપરા

#ગઝલ #નિરાંત #સંતોષ #શાંતિ #જીવન #પરાગરતનપરા
#GujaratiGhazal #Contentment #PeaceOfMind #SlowLiving #LettingGo #ParagRatanpara