નવું છે

ગલી એ જ, તો યે હવાનું નવું છે,
નયન એ જ, બસ આ નશાનું નવું છે.

હસું હું વગર કારણે આયનામાં,
દરદ, કે કશું આ દવાનું નવું છે?

હતો ચાંદ તો રોજ નભમાં અમસ્તો,
તને જોઈ એની છટાનું નવું છે.

નથી ભૂખ, નિદ્રા, તરસ પણ ન લાગે,
હસે બા: ‘ખરું, આ દુવાનું નવું છે!’

પરાગે ઘણી ફૂલવાડી ફરી’તી,
હવે તો સ્વયં મ્હેકવાનું નવું છે.

– પરાગ રતનપરા

#ગઝલ #પહેલોપ્રેમ #નવીનતા #યૌવન #પ્રણય #પરાગરતનપરા
#GujaratiGhazal #FirstLove #EverythingNew #Youth #Romance #ParagRatanpara