નથી

કશું દર્દ એવું, કહાતું નથી,
હૃદયમાં રહે, ને સહાતું નથી.

ભલે હોઠ હસતા રહે રાતદિન,
નયનથી કશું પણ છુપાતું નથી.

હજારો ગઝલ મેં લખી રાત ભર,
ખરું ગીત તોયે ગવાતું નથી.

મરણ તો ઘડીમાં સરળ થાય છે,
છતાં પૂર્ણ જીવન જિવાતું નથી.

પરાગે ધરી મ્હેક કાગળ મહીં,
છતાં ફૂલ જેવું લખાતું નથી.

– પરાગ રતનપરા

#ગઝલ #પીડા #અવ્યક્ત #મૌન #સર્જન #પરાગરતનપરા
#GujaratiGhazal #UnspokenPain #Silence #Inexpressible #Poetry #ParagRatanpara