નહીં ઝૂકું

ન સોનાથી, ન સત્તાથી, ન સન્માને, નહીં ઝૂકું,
બધા દેખે, ખડો સીધો, કદી છાને નહીં ઝૂકું.

કરું ખોટી સહી? ના, ના, ભલે બદલી કરો મારી,
રહું સાચો, ભલે નાનો, ઘણા દાને નહીં ઝૂકું.

કરો બંદી, કરો કેદી, ભલે જંજીરમાં નાખો,
ગુલામીના લખેલા કોઈ ફરમાને નહીં ઝૂકું.

કરોડોની ધરે થેલી, ધરે વૈભવ, ધરે ગાડી,
છતાં હું એ ચળકતા ઝૂઠ અરમાને નહીં ઝૂકું.

પરાગે ફૂલથી શીખ્યું, પવન સામે નમી જાવું,
ભલે આંધી, ભલે વંટોળ, તોફાને નહીં ઝૂકું.

– પરાગ રતનપરા

#ગઝલ #સ્વાભિમાન #પ્રામાણિકતા #ખુમારી #હિંમત #પરાગરતનપરા
#GujaratiGhazal #SelfRespect #Integrity #Defiance #Courage #ParagRatanpara