નગર સળગે છે

ગલીમાં ધર્મના નારા, હવે આ નગર સળગે છે,
પડોશીની જ આંખોમાં જુઓ, ને નજર સળગે છે.

હતી જે ઈદ ને હોળી, હતાં જે સાથ રમવાનાં,
હવે એ બાળપણ આખું, બધી એ સફર સળગે છે.

ધરમ એનો હતો ના કો, હતું બસ એક ઝૂલો ત્યાં,
હવે એ રાખ પર નાની, અજાણી કબર સળગે છે.

સમાચારે ગણે લાશો, ચલે ચર્ચા ભરી રાતે,
ઘરે બા રાહ જોતી, ને ઉદાસી ડગર સળગે છે.

પરાગે ફૂલ વેર્યાં'તાં સવારે, પણ હવે સાંજે
બળે છે ગંધ ફૂલોની, બિચારો ભમર સળગે છે.

– પરાગ રતનપરા

#ગઝલ #કોમીહિંસા #ભાઈચારો #શાંતિ #માનવતા #પરાગરતનપરા
#GujaratiGhazal #CommunalViolence #Brotherhood #Peace #Humanity #ParagRatanpara