ના ટકે

રાતનાં સપનાં કદી આવી સવારે ના ટકે,
સુખ ઉછીનું હોય તો ઝાઝું ઉધારે ના ટકે.

રેતનો કિલ્લો ચણી તેં ને ઉપર મૂકી ધજા,
એક મોજે ઓગળે, એ તો કિનારે ના ટકે.

જે ન આવી હોઠ પર, એ વાત આંખોમાં રહી,
મૌન સંબંધો કદી ઝાઝા ઇશારે ના ટકે.

લાગણીનાં ફૂલ લઈ બેઠો હતો હું હાટમાં,
પણ ખરું સૌંદર્ય તો ઝાઝું બજારે ના ટકે.

આ પરાગે જીવ રેડી ગીત ગાયું, પણ સખી,
પ્રીત ઝાઝી કોઈના ખાલી પુકારે ના ટકે.

– પરાગ રતનપરા

#ગઝલ #ક્ષણભંગુરતા #પ્રેમ #સંબંધ #જીવનદર્શન #પરાગરતનપરા
#GujaratiGhazal #Transience #Love #Relationships #LifeWisdom #ParagRatanpara