મૃગજળ છે

નગર આખું ઝળકતું છે, નગરનો શ્વાસ મૃગજળ છે,
અહીં હર આંખમાં તરતી, તરસની આશ મૃગજળ છે.

હરણ દોડ્યા કરે આખું જનમ, તોયે તરસ્યાં છે,
ઉપર ભૂરું ઝળકતું છે, બધું આકાશ મૃગજળ છે.

હસે છે સૌ, મળે છે સૌ, ગળે લાગે, ભલે સૌ પણ,
હતું ઘર, ભીડ સગપણની, છતાં વિશ્વાસ મૃગજળ છે.

ઘણા રાજા, ઘણા વાજાં, ઘણા ઝંડા ફરક્યા ત્યાં,
કરે જે ગર્વ, એ ખોટો, બધો ઇતિહાસ મૃગજળ છે.

‘પરાગે’ ફૂલને પૂછ્યું, ‘ખરે છે શું, રહે છે શું?’
રહે જે મ્હેક, એ સાચી, બધો આ રાસ મૃગજળ છે.

– પરાગ રતનપરા

#ગઝલ #મૃગજળ #ભ્રમ #તરસ #સત્ય #પરાગરતનપરા
#GujaratiGhazal #Mirage #Illusion #Thirst #Truth #ParagRatanpara