મોહ ના છૂટે

વૈરાગની વાતો કરું, પણ મોહ ના છૂટે રે,
ભગવાં પહેરું, માળા ફેરવું, તોય ઘર ના તૂટે રે.

સપનું છે એમ જાણું છું, તોય સપનામાં રાચું,
રેતીના મહેલ જાણું, તોય રેતી પર નાચું;
જાણું છું કે ઘડો કાચો, તોય ઘડો ના ફૂટે રે…
વૈરાગની વાતો કરું…

દીકરીનો હાથ પકડું ત્યાં મોક્ષ લાગે ઝાંખો,
બાના ખોળે માથું મૂકું ત્યાં સ્વર્ગ લાગે પાંખો;
સંસારની આ મીઠી માયા, કોણ એને લૂંટે રે?
વૈરાગની વાતો કરું…

પરાગ કહે: ફૂલને પૂછો, ડાળ શીદ ના છોડે?
ખરતાં પહેલાં ખુશ્બૂ આપી, હવા સાથે જોડે;
છોડવું એ જ ત્યાગ નથી, વ્હાલ વહે ત્યાં ખૂટે રે…
વૈરાગની વાતો કરું…

– પરાગ રતનપરા