મેંદીનો રંગ

મેંદીનો રંગ મારો આછો પડ્યો રે, સૈયર, આછો પડ્યો,
સાજનનો સંગ મને ઓછો પડ્યો રે, સૈયર, ઓછો પડ્યો.

પરણી આવી ત્યારે ઘેરો રાતો, રાતો મારો હાથ,
સાસુ કહે, ‘રંગ ઊંડો, એટલો ઊંડો સાજનનો સાથ’;
દિ’ ગયા ને રાત ગઈ, ને રંગ ધોવાતો ચાલ્યો રે…
મેંદીનો રંગ…

સાજન ગ્યા પરદેશ કમાવા, ચિઠ્ઠી આવે ઝીણી,
ફોનમાં બોલે બે જ વેણ, ને વાત રહે અધૂરી, ભીની;
હથેળીમાં મેં ભાળ્યો રે, એક સૂકો રંગ ઝાંખો…
મેંદીનો રંગ…

પરાગ કહે: આ મેંદી નથી, આ તો પ્રીતની ચિઠ્ઠી,
પાણીથી ધોવાય રંગ, પણ યાદ ન થાય મીઠી-ખીઠી;
સાજન આવે તો ફરી મૂકજો, રંગ ચડશે બમણો…
મેંદીનો રંગ…

– પરાગ રતનપરા