મેઘધનુષ

આભે ચડિયું મેઘધનુષ, ભઈલા, જોવા ચાલો રે,
સાત રંગનો હીંચકો બાંધી, ઝૂલવા ચાલો રે.

લાલ રંગ તો ટમેટાનો, નારંગી તો નારંગીનો,
પીળો રંગ તો હળદરનો, ને લીલો લીમડાની ડાળીનો;
વાદળી આભ ને જાંબલી જાંબુ, ગણવા ચાલો રે…
આભે ચડિયું…

વરસાદ ગયો ને સૂરજ આવ્યો, બેઉએ મળીને દોર્યું,
કોઈ ચિતારે પીંછી લઈને આભનું પાનું ચોર્યું;
ચાલો આપણે કાગળ પર એ દોરવા ચાલો રે…
આભે ચડિયું…

પરાગ કહે: આ રંગ તો સાતેય જુદા જુદા રહે,
તોય ભેળા થાય ત્યારે જ આભ આખું કહે;
ભાઈબંધીનું ધનુષ બનાવી, રમવા ચાલો રે…
આભે ચડિયું…

– પરાગ રતનપરા