મૌનમાં

શબ્દ જે ના બોલતા, એ છે ઇશારો મૌનમાં,
ડૂબતી નૌકા, તને મળશે કિનારો મૌનમાં.

સંત બેઠા વડ તળે, ને પ્રશ્ન લઈ આવ્યાં બધાં,
એમણે આપ્યો હતો સૌને ઉતારો મૌનમાં.

રાતભર ખાંસી દબાવી, દીકરો જાગે નહીં,
એ જ મમતાનો હતો મોટો પુકારો મૌનમાં.

રોષમાં સૂતાં હતાં બંને, ફરેલી પીઠ પણ,
હાથ પર મૂક્યો હતો હાથે સહારો મૌનમાં.

ફૂલ બોલે ના કશું, બસ મ્હેક ફેલાવે ‘પરાગ’,
કેટલું બોલી ગયો એનો નજારો મૌનમાં.

– પરાગ રતનપરા

#ગઝલ #મૌન #સંત #મમતા #દાંપત્ય #પરાગરતનપરા
#GujaratiGhazal #Silence #Wisdom #MothersLove #UnspokenLove #ParagRatanpara