મસ્તીમાં

ન ઘર, ના ગામ, ના નાતો, ભલું આ ધામ મસ્તીમાં,
ઉઘાડા પગ, ઉઘાડું આભ, ને આરામ મસ્તીમાં.

જગત દોડ્યું ખજાના લઈ, ગુમાવી નીંદ રાતોની,
અમે તો ગાઈ ઝૂમીને, મળે બેદામ મસ્તીમાં.

ન માળા, ના તિલક, ના આરતી, ના ઘંટ, ના ઝાલર,
હૃદયમાં નાચતો મારો જ રાજા રામ મસ્તીમાં.

બધાએ જામ પીધા, લોભના ને મોહ-માયાના,
અમે તો પી ગયા ખાલી હથેળી-જામ મસ્તીમાં.

પરાગે ફૂલને કીધું, 'જરા ધીરજ ધરી લે ને',
કહે એ: 'ખીલવું ખરવું, અમારું કામ મસ્તીમાં.'

– પરાગ રતનપરા

#ગઝલ #ફકીરી #મસ્તી #અધ્યાત્મ #સંતોષ #પરાગરતનપરા
#GujaratiGhazal #Fakir #Contentment #InnerJoy #Spirituality #ParagRatanpara