માપ

અન્યને માપ્યા કરે, ખુદનું કશું ના માપ છે,
ભીંત ઊંચી, દ્વાર નાનાં, ભીતરે સંતાપ છે.

દાન દીધું, ને પછી તકતી ચડાવી નામની,
દાનનો તો ભાર ઓછો, ને ઘણી તો છાપ છે.

મંદિરે જાતો સવારે, ફેરવે માળા ઘણી,
રામ હોઠે, ને હૃદયમાં ‘હું’પણાનો જાપ છે.

આ સભામાં સાંભળે ના એક પણ, બોલે બધા,
સૌ ગવૈયા, કોઈ શ્રોતા ના, બધે આલાપ છે.

આ પરાગે ‘હું’ ઉતાર્યું, ને સુગંધી વિસ્તરી,
જેટલો ઓછો થયો, બસ એટલો તો વ્યાપ છે.

– પરાગ રતનપરા

#ગઝલ #અહંકાર #હુંપણું #દંભ #નમ્રતા #પરાગરતનપરા
#GujaratiGhazal #Ego #Hypocrisy #Humility #SelfReflection #ParagRatanpara