ક્યારેક તો

બાળપણની એ ગલી પાછી મળે ક્યારેક તો,
ઓસરીમાં એ જ દીવો ઝળહળે ક્યારેક તો.

કાગળોની નાવ લઈ દોડ્યા હતા જે વ્હેણમાં,
આ ઉદાસી એ જ વ્હેણે પીગળે ક્યારેક તો.

ખેલમાં ખોવાઈ જાતા, સાંજ પડતી ના ખબર,
સાદ માનો બારણેથી સાંભળે ક્યારેક તો.

ગામના પાદર ઉપર એ પીપળો ઊભો હજી,
છાંયડો એનો અમારા પર ઢળે ક્યારેક તો.

બાળપણની મ્હેક આખી આ ‘પરાગે’ સાચવી,
શ્વાસમાં એની સુગંધી ઓગળે ક્યારેક તો.

– પરાગ રતનપરા

#ગઝલ #બાળપણ #ગામ #માનોસાદ #સ્મૃતિ #પરાગરતનપરા
#GujaratiGhazal #Childhood #VillageMemories #Nostalgia #MothersCall #ParagRatanpara