ક્યાં છે શબ્દમાં?

ભાષણો લાંબાં ભલે, પણ જાન ક્યાં છે શબ્દમાં?
રોજ ગોખે સૌ સુવાક્યો, ભાન ક્યાં છે શબ્દમાં?

શેઠજી બોલ્યા સભામાં: ‘લાખ દેશું દાનમાં,’
ચેક કોરો ચોપડે, તો દાન ક્યાં છે શબ્દમાં?

જી-હજૂરી હોઠ પર, ને પીઠ પાછળ ગાળ દે,
જીભ પર મધ છે, ભલા, પણ માન ક્યાં છે શબ્દમાં?

કોકિલા તો મૌન છે, ને કાગડા ગાયા કરે,
શોર છે, ઘોંઘાટ છે, પણ ગાન ક્યાં છે શબ્દમાં?

ફૂલ બોલે ના કશું, પણ મ્હેક બોલે, ઓ ‘પરાગ’,
એ સુગંધીનું નશીલું તાન ક્યાં છે શબ્દમાં?

– પરાગ રતનપરા

#ગઝલ #શબ્દ #દંભ #ભાષણ #મૌનનીભાષા #પરાગરતનપરા
#GujaratiGhazal #EmptyWords #Hypocrisy #SpeechSatire #Silence #ParagRatanpara