કોણ છે?

ઝાડુ લઈને રોજ શેરીમાં સવારે કોણ છે?
ચોક વચ્ચે ધોમ તડકે, એ ઇશારે કોણ છે?

આપણે સૂતાં નિરાંતે, ઘર, ગલી સૌ ઊંઘતાં,
રાત આખી જાગતો, લાઠી-સહારે કોણ છે?

તાવમાં ધગતો હતો હું, ને દવા ના કામ દે,
રાતભર જાગી, પથારીને કિનારે કોણ છે?

આંકડા બોલે: ‘ગરીબી ગઈ’, છતાં આ રેશને,
દાળ-ચોખા કાજ, તડકે, ને કતારે કોણ છે?

ફૂલને પૂજે બધા, પૂછે પરાગે: ઓ સખા,
મૂળ થઈ, ઊંડે તળે, ડાળો ઉગારે કોણ છે?

– પરાગ રતનપરા

#ગઝલ #અજાણ્યાનાયકો #શ્રમ #મા #કૃતજ્ઞતા #પરાગરતનપરા
#GujaratiGhazal #UnsungHeroes #Labour #Gratitude #Mother #ParagRatanpara