ખુદની તરફ

આખરે આવી ગયો છું આજ હું મારી તરફ,
ને નજર મારી વળી છે ભીતરી બારી તરફ.

તીરથે તીરથ ગયો, ઈશ્વર ન દીઠો ક્યાંય પણ,
એ જ બેઠો'તો હસીને આંગણે ક્યારી તરફ.

સાત દરિયા પાર જઈ મીઠાં જળો ચાખ્યાં ઘણાં,
તોય ઝંખે જીભ મારા ગામની ખારી તરફ.

જ્યાં ઉતાર્યા સૌ મહોરાં, થઈ ગયો હળવો જરા,
દિલ ગયું પાછું પુરાણા દોસ્તની યારી તરફ.

ફૂલ જેવું આયખું લઈ મ્હેકતો'તો આ પરાગ,
અંતમાં જોયું, ગયો એ કાષ્ઠની ભારી તરફ.

– પરાગ રતનપરા

#ગઝલ #આત્મખોજ #અધ્યાત્મ #એકાંત #મૂળ #પરાગરતનપરા
#GujaratiGhazal #InnerJourney #Spirituality #Solitude #ReturningHome #ParagRatanpara