ખિસ્સામાં

હતું બચપણ, હતા ટહુકા, હતો એ મોર ખિસ્સામાં,
ચમકતી સાંજ, ને મીઠી ગુલાબી ભોર ખિસ્સામાં.

હવે પાકીટમાં કાર્ડો, રસીદો, ને બિલો સઘળાં,
હવે તો બસ ઉધારો ને બિલોનો શોર ખિસ્સામાં.

ધરે છે હાથ જોડી, ને ગજાવે છે સભા ભજને,
અને જાહેરમાં સંતો, છુપાયો ચોર ખિસ્સામાં!

વિદેશે જઈ વસે વીરો, બહેની ગામમાં ઝૂરે,
હજી પણ રાખડીનો એ જ કાચો દોર ખિસ્સામાં.

પરાગે સાચવી રાખી, જરી મ્હેકો ય, ને સાથે
વસંતોનું, હવાઓનું જરા સૌ જોર ખિસ્સામાં.

– પરાગ રતનપરા

#ગઝલ #બાળપણ #ભાઈબહેન #વ્યંગ #સ્મૃતિ #પરાગરતનપરા
#GujaratiGhazal #Childhood #Rakhi #Hypocrisy #Memories #ParagRatanpara