ખબર કોને?

મરે છે એકલો માણસ, પથારીની ખબર કોને?
હતી ગઈ કાલની અર્થી, સવારીની ખબર કોને?

દુકાને વાણિયો બેઠો હજી ખાતું ઉઘાડીને,
હતો જે, તે ગયો; એની ઉધારીની ખબર કોને?

ભરોસાનો હતો જે, તે જ પાછળથી છરી ભોંકી,
ઘણાએ ઘાવ જોયો, પણ કટારીની ખબર કોને?

વિદેશે દીકરા, ડૉલર સમય પર રોજ આવે છે,
ઘરે છે એકલી મા, એ બિચારીની ખબર કોને?

પરાગ કહે, ઝરી પાંખો, અને ફોરમ ઉડી ચાલી,
ક્ષણોમાં ફૂલ જીવ્યું જે ખુમારીની ખબર કોને?

– પરાગ રતનપરા

#ગઝલ #એકલતા #નગર #ઉદાસીનતા #વૃદ્ધાવસ્થા #પરાગરતનપરા
#GujaratiGhazal #Loneliness #Indifference #CityLife #Neglect #ParagRatanpara