કરે કોણ?

ઘણી રાત ઘેરી, ઇશારો કરે કોણ?
બધા ચૂપ બેઠા, તિખારો કરે કોણ?

પડી રાત, આવ્યો મુસાફર અજાણ્યો,
નગર બંધ બારી, ઉતારો કરે કોણ?

રડે એક ભૂખ્યું ગલીમાં અટૂલું,
બધા ઊંઘતા, તો પુકારો કરે કોણ?

સુકાયા બધા મોલ, ખેતર ગિરો છે,
ધણી વિણ હવે ત્યાં ગુજારો કરે કોણ?

પરાગે ગઝલ એક દીવી જલાવી,
હવે આ અમાસે સિતારો કરે કોણ?

– પરાગ રતનપરા

#ગઝલ #અંધારું #મૌન #સમાજ #આશા #પરાગરતનપરા
#GujaratiGhazal #Darkness #SilentCrowd #SocialConscience #ASparkOfHope #ParagRatanpara