કર મને

બે ઘડી બેસે વિહગ જ્યાં, એક ડાળી કર મને,
કોઈ ભૂખ્યાના ઘરે ભરપૂર થાળી કર મને.

ગીત ગાવાનો ન દે તું કંઠ, તો પણ કૈં નહીં,
સૂર સાચો જ્યાં સુણે ત્યાં દાદ-તાળી કર મને.

ફૂલ જેવું રૂપ ના દે, તો ય ના ફરિયાદ છે,
બાગને સીંચે સદા એવો જ માળી કર મને.

ભીતરે ભરપૂર છું હું, સૂર ક્યાંથી નીકળે?
વાંસળી શો, હે પ્રભુ, હવે સાવ ખાલી કર મને.

ભીંત થઈ ઊભો હતો હું, તેજ, ખુશ્બૂ રોકતો,
આ ‘પરાગ’ કહે: હવે તો તેજ-જાળી કર મને.

– પરાગ રતનપરા

#ગઝલ #પ્રાર્થના #પ્રભુ #સમર્પણ #નમ્રતા #પરાગરતનપરા
#GujaratiGhazal #Prayer #Surrender #Humility #Devotion #ParagRatanpara