કલમ

લખે ક્યાં હવે એ ડરેલી કલમ?
સલામો ભરે છે, વળેલી કલમ.

હતી ધાર જેની સમી તેગની,
પડી મ્યાનમાં એ ઠરેલી કલમ.

મળે શાલ, શ્રીફળ, ઇનામો ઘણાં,
હવે ફ્રેમમાં છે મઢેલી કલમ.

નિશાળે જતી ગામની છોકરી,
બદલશે નસીબો, ઘડેલી કલમ.

પરાગે ડુબાડી હૃદયમાં જરા,
ગઝલ તો લખે રસ ભરેલી કલમ.

– પરાગ રતનપરા

#ગઝલ #કલમ #લેખક #સત્ય #અભિવ્યક્તિ #પરાગરતનપરા
#GujaratiGhazal #ThePen #FreedomOfExpression #WritersCourage #Truth #ParagRatanpara