કાણું રાખજે

હે ખુદા, આ ઝોળમાં તું એક કાણું રાખજે,
હું ફરી આવું ફરી, એવું જ ટાણું રાખજે.

સાવ છલકાતો રહું, ભૂલી જઉં આ બારણું,
એક ખૂણે સાવ ખાલી, એક ભાણું રાખજે.

જે મળે એ ગીત થાતું, ખોટ થાતી પ્રાર્થના,
હોઠ પર પૂરું ન થાતું એક ગાણું રાખજે.

દીકરી ગઈ સાસરે ને સાવ સૂનું ઘર થયું,
એ ફરી પાછી પધારે, એ જ આણું રાખજે.

આ ‘પરાગે’ રાતભર માગી હતી બસ એટલી:
આંખ મીંચાતાં પહેલાં એક વ્હાણું રાખજે.

– પરાગ રતનપરા

#ગઝલ #પ્રાર્થના #અધૂરપ #ઈશ્વર #તરસ #પરાગરતનપરા
#GujaratiGhazal #Prayer #BlessedIncompleteness #Longing #Faith #ParagRatanpara