જોકર

તમાશાના ઘરે જોકર બની સૌને હસાવું છું,
પડે પડદો પછી હું ડૂસકાંઓને છુપાવું છું.

મળે છે જે મજૂરી, એ ગણું છું આંગળીઓ પર,
છતાં ઠાલી થયેલી થાળમાં ચંદા બતાવું છું.

પડું છું હું જમીને રોજ, તાળી તો જ પડવાની,
પડેલા એ જ તાળીમાં બધા ઘાવો સુકાવું છું.

ગુલાબી રંગ મોઢે છે, અને ભીતર અમાસો છે,
અમાસો ઢાંકવા રોજે ગુલાલી થર ચડાવું છું.

પરાગે એ જ શીખ્યું છે ગઝલની આ સભાઓમાં,
ભરેલી આંખની ભીનાશમાં ફૂલો ઉગાવું છું.

– પરાગ રતનપરા

#ગઝલ #જોકર #સરકસ #સ્મિતપાછળઆંસુ #કલાકાર #પરાગરતનપરા
#GujaratiGhazal #Clown #Circus #TearsBehindSmile #Artist #ParagRatanpara