જેવું

ઘણી વખત ઘર આખું ભરી સભા જેવું,
પછી અચાનક સૂનું, તમસ-ગુફા જેવું.

તમે ગયાં, ઘર સૂનું, ઠરી ગયું સઘળું,
અને જલે મન મારું, બળી ચિતા જેવું.

મળી ન મંઝિલ, પણ એક દીકરી જન્મી,
હસી, ઘરે સહુ પામ્યા નવી દિશા જેવું.

વડીલ ગામ તણા સૌ મળી ગયા ચોરે,
પછી વહે પળ ધીમી, જુની કથા જેવું.

હતું ન ફૂલ, ન ડાળી, પરાગ તો મ્હેક્યો,
ભળી ગયો ઘર ઘરમાં, વહી હવા જેવું.

– પરાગ રતનપરા

#ગઝલ #ઘર #એકલતા #દીકરી #જીવનરંગ #પરાગરતનપરા
#GujaratiGhazal #MoodsOfHome #Solitude #DaughtersLight #LifeShades #ParagRatanpara