જમાનો ગયો

હતો બાળપણનો જમાનો, ગયો,
ખિસાનો લખોટી-ખજાનો ગયો.

ગલીમાં હતો રેડિયો વાગતો,
રફીનો, મુકેશી તરાનો ગયો.

હતો તાકતો જે ઝરૂખો સદા,
પ્રણયનો અબોલો દિવાનો ગયો.

હવે ઘૂંટણે દર્દ, ઝાંખું બધું,
હતો દોડતો, એ જવાનો ગયો.

પરાગે ગઝલમાં સમય ઝીલવા
મથામણ કરી, પણ ઘરાનો ગયો.

– પરાગ રતનપરા

#ગઝલ #સમય #ઉંમર #બાળપણ #સ્મૃતિ #પરાગરતનપરા
#GujaratiGhazal #PassageOfTime #BygoneEra #Ageing #Nostalgia #ParagRatanpara