જળ તો હતો

બરફ થઈ ગયો, તોય જળ તો હતો,
અહમનો જરા એક વળ તો હતો.

પડી સૂર્યની જ્યાં નજર એક વાર,
વહી ગ્યો, અરે, હું સજળ તો હતો!

ભલે પથ્થરોમાં ગણે સૌ મને,
સદા અંદરેથી તરલ તો હતો.

તળાવે ભલે કીચડે જીવતો,
છતાં પંકથી પર, કમળ તો હતો.

પરાગે બધું ઓગળી ગ્યું, ભલે,
ગઝલમાં સદાયે સરળ તો હતો.

– પરાગ રતનપરા

#ગઝલ #બરફ #અહમ #નિર્મળતા #સરળતા #પરાગરતનપરા
#GujaratiGhazal #IceAndWater #Ego #InnerPurity #Simplicity #ParagRatanpara