જડે છે

રખડતા રહે, તો ખજાના જડે છે,
ઘરે બેસનારા, બહાના જડે છે.

હવામાં ઝુકાવે ભલે પાંખ નાની,
નવું આભ, નવલા તરાના જડે છે.

હતા પ્રેમપત્રો, ન દાદા, ન દાદી,
મને ટ્રંકમાંથી પુરાણા જડે છે.

ગણિત જિંદગીનું ઉકેલું જરા તો,
જવાબે જવાબે ઉખાણા જડે છે.

‘પરાગે’ ગુલાબો ઉઘાડ્યાં સવારે,
ભ્રમર-ઝુંડ જેવા દિવાના જડે છે.

– પરાગ રતનપરા

#ગઝલ #સાહસ #તક #સ્મૃતિ #જીવન #પરાગરતનપરા
#GujaratiGhazal #Adventure #Opportunity #Wanderlust #LifesRiddles #ParagRatanpara