જાદુગર

ઘડી સ્વપ્ન મોટાં બતાવી ગયું,
ઘડીમાં બધું યે છુપાવી ગયું.

હતું બાળપણ, ગોદમાં મા હતી,
રમકડું ધરી એ હસાવી ગયું.

જુવાની હતી બાગ શી મ્હોરતી,
મધુર પ્રેમ દીધો, રડાવી ગયું.

ઘણું ધન કમાયો, ઘણો ઠાઠ પણ,
બુઢાપે દવામાં ઉડાવી ગયું.

‘પરાગે’ લખી'તી ગઝલ જે અમર,
સમય એ ય અંતે ભુલાવી ગયું.

– પરાગ રતનપરા

#ગઝલ #જીવન #સમય #ભ્રમ #જાદુ #પરાગરતનપરા
#GujaratiGhazal #Life #Time #Illusion #StagesOfLife #ParagRatanpara