ઇશારો જોઈને

ચાંદ પણ શરમાઈ બેઠો આ નજારો જોઈને,
રાત પણ રોકાઈ ગઈ તારો ઇશારો જોઈને.

આંખ મારી ડૂબવા તૈયાર બેઠી'તી છતાં,
આખરે પાછી વળી, તારો કિનારો જોઈને.

ઝાંઝવાંની પાછળે દોડ્યો તરસનો કાફલો,
એ ય થંભ્યો પાંપણે ભીનો ઉતારો જોઈને.

ગામ આખું પૂછતું’તું કેમ બદલાયો હતો?
હું ય બદલાયો હતો તારો સુધારો જોઈને.

આ પરાગે પાનખરમાં પણ વસંતો ઊજવી,
ગાલ પર તારા ગુલાબી એ ઉભારો જોઈને.

– પરાગ રતનપરા

#ગઝલ #પ્રેમ #પ્રિયતમા #સૌંદર્ય #ઇશારો #પરાગરતનપરા
#GujaratiGhazal #LovePoetry #Beloved #Beauty #GlanceOfLove #ParagRatanpara