હસ્યા કરો

આંસુઓ ભીતર ભરી સંસારમાં હસ્યા કરો,
દર્દ હો કે ઘાવ હો, દરબારમાં હસ્યા કરો.

રોજ સેલ્ફીમાં હસે, ને રાતભર રડતા રહે,
દોસ્ત, આ તો રીત છે, વ્યવહારમાં હસ્યા કરો.

ગામમાં બત્તી નથી, વર્ષો થયાં, નેતા કહે:
‘દેશ માટે, પ્રેમથી અંધારમાં હસ્યા કરો.’

ઓરડાના એક ખૂણે રાતભર રડજો ભલે,
ઉંબરો ઓળંગતાં પરિવારમાં હસ્યા કરો.

ફૂલ જેવું આયખું છે, કાલ ખરશે, પણ ‘પરાગ’,
ડાળ પર બેસી જરા શૃંગારમાં હસ્યા કરો.

– પરાગ રતનપરા

#ગઝલ #સ્મિત #મુખવટો #દંભ #જીવન #પરાગરતનપરા
#GujaratiGhazal #SmileThroughPain #Masks #Hypocrisy #Resilience #ParagRatanpara