હસું છું

ભરી આંખ, તોયે સભામાં હસું છું,
હૃદય ચીરતી આ વ્યથામાં હસું છું.

બની સર્કસે રોજનો હું ય જોકર,
હસાવું બધાંને, કથામાં હસું છું.

નસોમાં ભરી સોય, ને બાટલા પણ,
‘સરસ છે’ – કહીને દવામાં હસું છું.

ગયો મિત્ર, એની મજાકો સ્મરીને
રડું, ને પછી હું ચિતામાં હસું છું.

પરાગે ખરી ધૂળમાં ધૂળ થઈને,
ઉડી મ્હેક થઈ હું હવામાં હસું છું.

– પરાગ રતનપરા

#ગઝલ #સ્મિત #પીડા #જોકર #મિત્ર #પરાગરતનપરા
#GujaratiGhazal #SmileThroughPain #TearsOfAClown #HiddenSorrow #Resilience #ParagRatanpara