હજી પણ

હતો એકલો, છું કિનારે હજી પણ,
નયન રાહ જોતાં ઇશારે હજી પણ.

હતી સાંજ, દીવો, હતી ઓસરી, ને
તમારી જ વાતો ઉચારે હજી પણ.

ગયો કાફલો, ધૂળ બેઠી ગલીમાં,
છતાં ઘૂઘરા કો’ પુકારે હજી પણ.

નગર ઊંઘતું, ચૂપ સઘળી દિશાઓ,
જગું એકલો હું મિનારે હજી પણ.

પરાગે ભલે ફૂલ ખોયાં સમયમાં,
સુગંધો રહી છે વિચારે હજી પણ.

– પરાગ રતનપરા

#ગઝલ #એકલતા #પ્રતીક્ષા #સ્મરણ #રાત #પરાગરતનપરા
#GujaratiGhazal #Loneliness #Waiting #Remembrance #Night #ParagRatanpara