હાંફે છે

દિવસભર દોડતું રણમાં, તરસનું હરણ હાંફે છે,
નથી મંજિલ, નથી કેડી, ઘવાયાં ચરણ હાંફે છે.

ગયા મંદિર, ગયા મસ્જિદ, ગયા ગુરુઓ કને સઘળે,
ઠરે ના મન કશે, ભટકી, થયાં સૌ શરણ હાંફે છે.

તને ભૂલી જવા મથતો, ગયાં વર્ષો, છતાં આજે
ગઝલમાં શ્વાસ લેતું આ તમારું સ્મરણ હાંફે છે.

કમાયો ખૂબ, દોડ્યો ખૂબ, ઘરમાં ખૂબ ભર્યું સૌ,
છતાં અંતે મશીનો પર ઉધારું મરણ હાંફે છે.

પરાગે ફૂલને પૂછ્યું: ‘તને શું થાય?’ તો બોલ્યું,
‘સુગંધી શ્વાસ મારો છે, છતાં આવરણ હાંફે છે.’

– પરાગ રતનપરા

#ગઝલ #ઇચ્છા #દોડ #મૃગજળ #થાક #પરાગરતનપરા
#GujaratiGhazal #EndlessDesire #RatRace #Mirage #Exhaustion #ParagRatanpara