હા ને ના

કહે છે હોઠ ના, પણ એ કહે છે આંખ હા ને ના,
ઉઘાડું પાંજરું, તોયે કહે છે પાંખ હા ને ના.

હતો અંગાર જે ક્યારેક, ઝગમગતો જુવાનીમાં,
હવે ઠંડો થયો, ત્યાં બોલતી આ રાખ હા ને ના.

હિસાબે જિંદગી કાઢી, બધું ગણતો સદા રાખી,
કહે છે અંતમાં ખાતું: કમાયો લાખ, હા ને ના.

બજારે નામ ઝળહળતું, તિજોરી પણ ભરેલી છે,
છતાં સંતાન પૂછે છે: ‘પિતાની શાખ?’ હા ને ના.

પરાગે પ્રેમ પૂછ્યો તો, હસી ફૂલો કહે ધીમે:
‘ભ્રમર ઝૂલે, પવન ખૂલે, બધા દે સાખ હા ને ના.’

– પરાગ રતનપરા

#ગઝલ #દ્વિધા #હાઅનેના #જીવનદર્શન #પ્રેમ #પરાગરતનપરા
#GujaratiGhazal #YesAndNo #Dilemma #Ambivalence #LifeReflections #ParagRatanpara