ગુમાવી ગયો

સમય સાવ હું તો ઉડાવી ગયો,
પછી જાતને હું ગુમાવી ગયો.

હતી રાત, ને ફોનમાં હું મગન,
સવારે ય સૂરજ બુઝાવી ગયો.

હજારો નવા મિત્ર ફોને મળે,
ખરા દોસ્તને હું રિસાવી ગયો.

કમાયો ઘણું, ઘર સજાવ્યું ઘણું,
અને માવડીને વળાવી ગયો.

પરાગે ઘડી શ્વાસ લીધો, અને
ગઝલમાં સમયને બચાવી ગયો.

– પરાગ રતનપરા

#ગઝલ #સમય #પસ્તાવો #મોબાઇલ #જીવન #પરાગરતનપરા
#GujaratiGhazal #Time #Regret #DigitalAge #LostYears #ParagRatanpara