ગુજરાત છે

રાતભર ગરબા રમે, એ નાચતું ગુજરાત છે,
ફાફડાની મ્હેકથી સૌ જાગતું ગુજરાત છે.

આવનારાને કહે: ‘આવો, પધારો, ચા લિયો!’
એટલું મીઠું, મજાનું બોલતું ગુજરાત છે.

શેર, સોનું, ડૉલરો, ને દસ ટકાનો આંકડો,
લાભ-શુભની વાટમાં બસ દોડતું ગુજરાત છે.

સાંજ પડતાં ઓસરીએ ખાખરા ને ચાય પણ,
હીંચકે બેસી નિરાંતે ઝૂલતું ગુજરાત છે.

દેશ-પરદેશે ‘પરાગે’ જ્યાં ગયો ત્યાં હર જગા,
‘કેમ છો?’ના સાદથી સૌ ગાજતું ગુજરાત છે.

– પરાગ રતનપરા

#ગઝલ #ગુજરાત #ગરબો #ગુજરાતીઅસ્મિતા #હીંચકો #પરાગરતનપરા
#GujaratiGhazal #Gujarat #Garba #GujaratiPride #GujaratiCulture #ParagRatanpara