ઘોંઘાટ

ચૅનલો પર સાંજ પડતાં ચીસ ને ઘોંઘાટ છે,
પાંચ ડબ્બામાં ભરેલા પાંચ, માછી-હાટ છે.

ખેતરે ખેડૂત રડતો, ને નદી સૂકી પડી,
એ ખબર ક્યાં? સૌ ‘સિતારા’ના લગનની વાટ છે.

ચૅનલો પર વાદ ને સંવાદ ચાલે રાતભર,
ઓસરીમાં બાપુ મૂંગા, બા વિનાની ખાટ છે.

ચીસથી, ઘાંટા થકી, સાચું કદી જીત્યું ભલા?
જીતવાની આ રમતમાં બુદ્ધિ સાવ સપાટ છે.

આ પરાગે ચૅનલો છોડી ઉઘાડ્યું બારણું,
બ્હાર ચકલી ગાય, ને જાણે નદીનો ઘાટ છે.

– પરાગ રતનપરા

#ગઝલ #વ્યંગ #ટીવીચર્ચા #ઘોંઘાટ #મીડિયા #પરાગરતનપરા
#GujaratiGhazal #MediaSatire #TVDebates #NoiseVsTruth #QuietLife #ParagRatanpara