ફકીરી

ન ઘર છે, ન દર છે, મજાની ફકીરી,
હથેળી ઉપર આ જહાંની ફકીરી.

ખભે તૂંબડું, ધૂળ પગમાં ભરેલી,
લબોમાં કબીરી કહાની ફકીરી.

ન સોનું, ન ચાંદી, ન તાળાં, ન ચાવી,
ઉઘાડા દરોની નિશાની ફકીરી.

ભલે વાળ ધોળા, ભલે કાય ઝૂકી,
છતાં જીવની છે જવાની ફકીરી.

હવે સાધુ ઊડે વિમાનો મહીં ને,
કરોડો તણી આ દુકાની ફકીરી!

પરાગે, હવા ઘર, ગગન છત બની ગઈ,
મળી ગંધ જેવી સુહાની ફકીરી.

– પરાગ રતનપરા

#ગઝલ #ફકીરી #સૂફી #મસ્તી #વૈરાગ્ય #પરાગરતનપરા
#GujaratiGhazal #Fakir #SufiSpirit #Detachment #FreedomOfSoul #ParagRatanpara