એક વાર મીરાં થઈ જો

એક વાર તું મીરાં થઈ જો, કાના,
પછી કહેજે, વિરહ કેવો લાગે છાના છાના.

તારે તો સોળ હજાર રાણી, ને રાધાનો સંગ,
દ્વારકાનું રાજ ને માથે મોરપીંછનો રંગ;
મીરાં પાસે એકતારો ને ઝેરનો પ્યાલો, કાના —
એક વાર તું મીરાં થઈ જો…

મહેલ છોડી, મ્હેણાં વેઠી, પગમાં બાંધ્યા ઘૂંઘરું,
લોક કહે ‘આ ગાંડી થઈ ગઈ’, એ કહે ‘હું તો તારું’;
આખી રાત જાગીને જોવી વાટ, બહાના વિના, કાના —
એક વાર તું મીરાં થઈ જો…

પરાગ કહે: કાને સાંભળી, ને મલકીને બોલ્યો:
‘મીરાં થાવા જેટલો, સખી, હું પણ ક્યાં અમોલો?’
પ્રેમ કરે એ ઈશ્વર થાય, ભલે ના હોય ખજાના —
એક વાર તું મીરાં થઈ જો…

– પરાગ રતનપરા